صدك تقبل حبيبي لغيري تصير

صدك تقبل حبيبي لغيري هسة تصير

وصدك مليت مني وبعد متحبني

صدك هانت عليك سنينة الحلوات

وماهانت عليك شلون تتركني

من يمته المذاهب نحسبلها حساب

ومن يمته الطوائف جانت تهمني

انه لمن عشكتك ماسألت الناس

ولاجنت ادري اصلك شيعي لو سني

شجاك تغيرت وبكلبك انته شصار

جنت تموت بيه وجنت تحبني

وجنت اتنفسك وانته الهوه بدنياي

وجنت لوتبتعد لحظات.. تخنكني

معقولة الورد ينكر جميل الماي

وانته بهالسهولة تنازلت عني

ماانكر مقصر اجت فترة وياك

لكن موبدية الوكت يجبرني

شفت يمك نفط وبين اديه الماي

واني بناري اشتعل ردتك تخلصني

لكيتك بالعكس مايك شمرته بعيد

وجبت النفط بيدك حته تحركني

شسولف بعد؟ طعم السوالف راح

ردت منك توافي وخيبت ظني

ادري الوكت هو الخلة كلبك هيج

وادري الطائفية الباكتك مني

وقبل لاتبتعد عندي سؤال ارجوك

فكر ويه روحك وعود جاوبني

باجر لومتت وتشوفني بتابوت

هم تبجي عليه وبعد تذكرني؟

» نسيتني حبيبي
» نسيتني حبيبي
» اتـــــعـــــلم حبيبي
» اغار عليك حبيبي