العشك ياصاح جتال راعية
كافي من العشك لاتعشك تهدة
تلحك عالمرارة وطيحت الدمعات
تلحك عالحبيب وتلحك تفكدة
جنت اضحك على العاشك واكول شلون
شايل هالخلك ويغازل بوحدة
ولمن طاح كلبي بايدة للمعشوك
ماحس لني غافي وطايح بسدة
صحيت وجن شفت حورية مو انسان
شفايفهة العسل وخدودهة الزبدة
من تحجي الشفايف تسمع احلى انغام
وسوالفهة عسل من عدهة وتبدة
وبعد فترة زمن متعبرلهة اسبوع
تكلك انسى كل ماراح واتعدة
لتظن ارجع واتغازل اني وياك
احسبة كلاص ماي وعالحصو تبدة
اثاريه السبب خاطبهة فد رجال
اكبر من ابوهة تكول جد جدة
لان عندة دفاتر كلة بالدولار
وعازل عن هلة ومتكتر لوحدة
والهاذة السبب اسمع مجرب كال
كافي من العشك لاتعشك تهدة