عشكتك كلبي رادك روحي هم تهواك
وعشكنا شلون كاع تحبها فلاحة
عشكتك كلبي بذرة وصار بيدك هاي
واجيت انتة وطحنت البذرة بالراحة
جنت حسبالي روحة وروحي مثل الكوخ
سحب روحة علة غفلة وذبلي جداحة
حرك روحي ومضلت روحي بس انقاض
وتفتت عشكي صار بحضنة مساحة
كلتلك اني بس تخون الله وياك
ومجنت ادري البشر حتغرة تفاحة
الكلب صدك سفينة وحكمة عالملاح
وماترهم سفينة بزوج ملاحة
ومايرهم بعد قاص التحبة يصير
ودراهم كل عشكد يوصلة وبراحة
قفل كلبك بدية قفلت والمفتاح
كلمة سر عشكتك هية مفتاحة
اكص ايدي احط جروحي بلكاع
واحس جروحي من كيفه تطشر
المن بيهن اكول راح ارتاح
تاليه جروحي عن كلبي تتنثر
سافرت عني انته ورحت لبعيد
تالي روحي على جسمي تتجبر
تريد عيوني بس تشوفك لاو لحضات
وطلعت عيوني على فراكك ما تكدر
اذكرت كل ذكرياتك عشته وياي
ابد ما انساه ولا تظن من بلي تتكسر
بعيدة عني عيونك بس هن قريبات
وشما صغرة الدنيه عيونك الي تكبر
هيج بسهولة تكلي راح وما اجيك
وشتظن سهله عليه ابد ما تحضر
مجنون بمحبتك تعرفني كلش زين
ومحبتك مزروعه بداخلي وبلمنضر
ولك تحركني بغرامك انته لاو جيت
ولك شنو غرامك سهل عليه تتصور
قحط ايام يوسف وانته ما موجود
وخير ايام يوسف انته من تحضر
امس كابلة صورتك وضليت انوح
شلون انته عني بعيد والله ادمر
تعال وشوف حالي مثل الاموات
بلكت من تجي روحي تعيش تكدر
هلكد احبك ماتخيلت فد يوم
المهم انه احبك بكبر الدنيه واكبر
عيوني مو هنه نفسهن من رحت
شلون جنت تشوفهن هسه اصغر
من كثر ما ابجي انه بس عليك
جفت دموع عيوني ويمكن اكثر
