ياولفي جيت أعتذر .. بالروح ماضل صبر
وعشگتك انه بصدگ .. وجازيتني بطعنة غدر
جيت وجبتلك گلب .. شبعان من عندك قهر
وشگـد طعنته بقصد .. وحسرات بيه شكثر
ياولفي ماضل خلگ .. موحتى شـاب الشَعر
جيت امحي ذاك العشگ .. وأمحيلـه كل الأثر
انـسهْ الحچيته ألك .. بـدروب ذاك الفجر
ومرسـالي هـمّ شگگه .. ماريد يبقى ذكّـر
رايـد أخلي الگلب .. يرتاح مثل الــبشر
ارجوك عني ابتعـد .. خليني اعيش بـستر
مـن شوفتك بطلت .. وماريد اشمك عطر
ياولفي طگ الگلب .. مـل مني حتى الحبر
و اوراقي هم أجزعت .. وياي رادت تستقر
والقلم رافض الك .. يكتبلك سطور الشعر
وياهم اني اعتصـم .. وبهالثورة لازم ننتصر
بمحبتك شـايب صرت .. عايش حياتي بخطر
وأعشگتك انه صدگ .. بس أكتفي بهالقدر
بس أكتفي بهالقدر .......!
